Daa bir deñişüv çerçivesinde Ukrayina Rusiye esirliginden 45 imayecini azat etti, dep haber etti Ukrayina Prezidenti ofisiniñ yolbaşçısı Andriy Yermak.
"Bugün yahşı haberler de bar. Esirlikten 45 arbiyimizni azat etip oldıq. Bu Ukrayina Silâlı Quvetleri, Milliy Gvardiya ve Ukrayina Devlet sıñır hızmetiniñ arbiyleri ve asker olmağan vatandaş. Olarnıñ arasında eki zabit, 41 adiy asker ve serjant, "Azovstal"niñ hadimi ve Hersondan territorial mudafaası askeri", - dep yazdı o telegram kanalıdna.
Onıñ bildirgenine köre, azat etilgenler arasında yaralı arbiyler de bar eken.
"Biz Mariupol ve "Azovstal" imayecilerini qaytaramız. Yaralı askerler bar. Bundan ğayrı Zaoprijjâ, Harkiv ve Donetskten arbiylerni (şu cümleden Bahmut) azat etemiz", - dep qoştı o.
İyün ayında Ukrayina prezidenti Volodımır Zelenskıy Rusiye büyük cenki başlağanından berli Ukrayina esirlikten 2526 ukrayinni azat etip olğanını bilidrgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
