Ukrayina Rusiye ile esirlerni deñişüv çerçivesinde 200 arbiy ve sivil şahısını qaytardı, dep bildirdi Ukrayina prezidenti Volodımır Zelenskıy.
"Bugün 200 Ukrayin qorantası eñ beklenilgen haberni aldı: tuvğanları evge qayta. Ve bu er vaqıt epimiz içün, bütün memleket içün yahşı haberdir — halqımıznıñ vatanğa qaytması. Qaytıp kelgenler arasında Mariupol, Donetsk, Lugansk, Harkiv, Zaporijjâ qorçalayıcıları bar. Silâlı quvetlerniñ, Devlet mahsus naqliyat hızmetiniñ askerleri, sıñırcılar ve milliy gvardiya askerleri", — dep yazdı o telegramda.
Bugün Ukraina ile muzakerelerde Rusiye eyyetiniñ yolbaşçısı ve RF prezidentiniñ yardımcısı Vladimir Medinskiy Jenevada añlaşmalar çerçivesinde saban ayı 5-6 künleri 500-ge 500 kişilik arbiy esir deñişüvini ilân etti. Ukrayina tarafı yaqın vaqıtta deñişim olacağına ümüt etken edi, amma tam tarihını aytmadı.
Keçken deñişüv kiçik aynıñ 5-nde oldı. O vaqıt Ukrayina 150 arbiyni ve yedi vatandaşnı qaytardı. Bu 2026 senesi ilk esir deñişimi edi.