"Bu arbiyler "Azovstaliniñ" ve Mariupolniñ, ÇAES, Zmiyinıy adası, cebeniñ farqlı yönelişlerinden qoruyıcılar. Olarnıñ arasında askerler, çavuşlar, zabitler bar. Bu milliy gvardiya, şu cümleden "Azovlar", sıñırcılar, teroborona, Arbiy-deñiz ve Silâlı quvetlerniñ askerleri. Em de Mariupolde esir alınğan eki vatandaş", — dep yazdı içtimaiy ağlarda Ukrayina devletiniñ yolbaşçısı, deñişimniñ teşkil etilmesinde yardım içün Birleşken Arap Emirliklerine teşekkür bildirip.
Rusiye tarafı, esirlerni 150*150 formulası boyunca deñiştirgenini iddia ete.
"Dekabrniñ 30-nda muzakere esnası neticesinde Kıyiv rejimi kontrol etken territoriyadan 150 Rusiye arbiyi qaytarıldı. Onıñ yerine 150 arbiy esir teslim etildi. Şimdi bütün Rusiye arbiy hızmetçileri Belarus Cumhuriyetinde bulunalar, olarğa kerekli ruhiy ve tibbiy yardım kösterile, em de tuvğanlarınen bağlanmaq imkânı berile", — dep bildire Rusiye Mudafaa nazirligi.
Bundan evelki deñişüv 2024 senesi oktâbrniñ 18-nde olıp keçti. O vaqıt Rusiyege 95 arbiy esir qayttı, Ukrayina da aynı miqdarda esir aldı. Dekabrniñ 17-nde Rusiye insan aqları ombudsmanı Tatyana Moskalkova Rusiye ve Ukrayina arbiyleri esirlerni "büyük deñişüv" aqqında muzakere etkenini bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
