OSCE Parlament assambleyasında Ukrayinanı temsil etken millet vekilleri Assambleya tarafından Rusiye temsilcileriniñ iştiragi ile bağlı qabul etilgenine qadar bu teşkilâtta işini toqtata. Bunı Ukrayina delegatsiyasınıñ temsilcisi, "Halq hızmetçisi"nden millet vekili Yevgeniya Kravçuk bildirdi.
"Bugün OSCE Parlament Assambleyasınıñ Daimiy komiteti Rusiye delegatsiyası quvmaq içün qaidelerini deñigtirip olamadı", - dep qayd etti Kravçuk.
Ukrayina delegatsiyasınıñ yolbaşçısı Mıkıta Poturayevniñ haber etkeni kibi, OSCE Parlament Assambleyası Varşavada keçirilgen oturışta Rusiye temsilcileriniñ muvaqqat uzaqlaştırılması ile bağlı qarar qabul etip olamağan.
"Ukrayina delegatsiyası bir çezilüv yolu tapılğanına qadar Ukrayinanıñ bu halqara teşkilâtta faaliyetini boykot etmek qararına keldi. Bizni Estoniya ve Litvaniyadan olğan dostlarımız ve ortaqlarımız destekledi, olar da anda ediler ve biznen daimiy komitetniñ oturışını terk ettiler", - dedi o.
Parlament azaları, Parlament Assambleyası "rusiyelilerniñ - propagandist ve terrorcı devletniñ temsilcileriniñ iştiragine munasebetini bildirip olğanda" işke qaytacaqlarını bildirdiler.
OSCE Ukrayina delegatsiyası temsilcileriniñ bildirüvni şimdilik daa izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
