Ukrayına mudafaa naziriniñ muavini İvan Ğavrılük bildirgenine köre, 2024 senesi başından başlap Rusiye aviatsiyası Ukrayına imayecileriniñ mevzilerine 3500-den çoq ava bombasını attı – 2023 senesine köre bu raqam 16 qat çoq ola. Bu aqta o, «Ukrinform» agentligi içün maqalesinde bildirdi.
«Rusiye cenk aviatsiyası kökte üstün ola. Duşman qırıcıları uruş çatışma sızıñında mevzilerimizge qarşı ava bombalarını qullana. Bu yıl başından (77 künde) duşman uçaqları mevzilerimizge 3500-den çoq ava bombasını attı, bu da 2023 senesine köre 16 qat çoq ola», – dep yazdı o.
Ukrayına Mudafaa naziriniñ muavini qayd etkenine köre, «Ramştayn» formatındaki soñki körüşüvden (fevralniñ 14-nde) Ukrayına Mudafaa quvetleri 12 Rusiye bombardıman qırıcısını, bir dane A-50a yoq etti, amma ğayıplarına baqmadan, Rusiye üstün qala.
Onıñ aytqanına köre, avada Rusiye ordusınıñ üstün olmasını F-16 ğarbiy uçaqları toqtatmalı, böylece Ukrayına Mudafaa quvetleriniñ imkânları qarada artacaq.
«Amma vaziyet şu ki, F-16 uçaqlarımız daa yoq, bazı ğarbiy silâlar ise kritik miqdarğa eksile. Bu ve diger faktorlar Ukrayına Mudafaa quvetleriniñ istilâcını keri qaytaruv vazifelerini zorlaştıra», – dedi o.
2024 senesiniñ başından avada üstünlik sebebinden 2024 senesinden başlap top ateşi üstünligi cebede Rusiye ordusınıñ 7:1 ola, dep qoştı Ğavrılük.
Fevral ayında Ukrayına prezidenti Ukrayına Avropa Birligi vade etken snarâdlarnıñ tek 30%-ını aldı, dep bildirdi.
Cenkni tedqiq etüv institutı talilcileriniñ (ISW) fikirince, Ukrayınanıñ uruş meydanında teşebbüsni almaq ıntıluvınıñ sebepleri bar, amma Ğarpnıñ arbiy yardım kösterilüvini sozması Kyivniñ bu ğayretlerini uzatacaq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
