Berilgen malümatqa köre, ücüm Rusiyeniñ Primorsk-Ahtarsk ve Kursk şeerlerinden yapıldı.
«Avada uruş neticesinde duşmannıñ bütün uçucısızları Ukrayina mudafaa quvetleriniñ ateş gruppaları, zenit raketa bölükleri ve Kyiv, Vinnıtsâ, Kirovograd, Harkiv, Sumı, Poltava ve Dnipropetrovsk vilâyetlerinde radioelektron küreş vastalarınen urıp tüşürildi», – dep yazdı Ukrayina Ava quvetleriniñ komandanı general-leytenant Mıkola Oleşçuk.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
BM Ukrayina insan aqları monitoring missiyası bildirgenine köre, 2022 senesi fevral ayında Rusiye Federatsiyasınıñ büyük istilâsı başlağanından Ukrayinada 33878 zarar kördi. BM 11284 vatandaş ölümini tasdıqladı. Teşkilât vatandaşlar arasında qurbanlarnıñ sayısı daa çoq, dep tahmin ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
