Ukrayına Tış işler nazirligi «Aqyardaki ekinci Hizb ut-Tahrir davasınıñ» mabüslerine çıqarılğan ükümge cevap berdi.
«Yañı sahte ve olmaycaq «ükümler» tek vaqtınca işğal etilgen topraqlarda Rusiye fikir serbestligi, din, oña boysunmağan ceza organlarını yoq etmek içün er angi cinayet yapmağa azır olğanını köstere. Zorbalıq ve repressiyalar fikir bildirmek ve kimligini qorumaq aqqına cevap olamaz», – dep aytıla müessise saytında.
Ukrayına Tış işler nazirligi halqara ortaqlarnı Rusiye Federatsiyasınıñ işğal etilgen topraqlarda repressiv kampaniyalarını ve halqara gumanitar uquq ve insan aqlarınıñ bozuvını takbih etmesine çağırdı.
Rostov-na-Donu şeeriniñ Cenübiy okrugınıñ arbiy mahkemesi «qırımlı musulmanlar davasınıñ» mabüsleri Rustem Murasov, Cebbar Bekirov, Zaur Abdullayev ve Rustem Tairovnıñ ükümlerini çıqardı. Bu aqta «Qırım birdemligine» advokat emil Kurbedinov haber etti.
Mabüsler «Aqyardaki ekinci Hizb ut-Tahrir davasına» istinaden apiske alınğan edi. Bekirov 17 yılğa azatlıqtan marum etildi, qalğanları 12 yıl sert rejimli koloniyada qalmasına üküm etildi. İlk 4 yılını apishanede keçirecekler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
