"Alem" qırımtatar cemaat teşkilâtı qırımtatar milliy medeniyetiniñ dört elementini Ukrayinanıñ maddiy olmağan medeniy mirasınıñ milliy cedveline kirsetilmesi içün yapılğan "Birleştirgen manalar" leyhasınıñ amelge keçirilmesi aqqında esabat berdi.
Leyha Ukrayina İsviçre konfederatsiyasınıñ temsilciliginiñ yardımı ile ''Alem'' cemaat teşkilâtı tarafından amelge keçirile. Leyha koordinatorı Esma Adciyevanıñ bildirgenine köre, etnograflar taqımınıñ ğayretinen cedvelge milliy medeniyetniñ dört elementi kirsetilecek ''Örnek'' qırımtatar örnegi, ''Çiberek ve yantıq'' ananeviy milliy yemeklerniñ azırlanuvı, ''Qırımtatarlarnıñ qave ananesi'' merasimi ve ''Ağır av ve Qaytarma'' ananeviy qırımtatar oyunı. Qırımtatar ''Örnek'' süslemesi daa UNESCO tarafından İnsanlıqnıñ maddiy olmağan medeniy mirasınıñ Reprezentativ cedveline kirsetildi.
Esma Adciyeva qayd ete ki, ''Birleştirgen manalar'' leyhasınıñ ğayesi Ukrayinanıñ regionlarını birleştirip amelge keçirildi. Böyleliknen, Örnek qırımtatar milliy süslemesiniñ ğayrıdan tiklenüvi ğayesi eki regionda amelge keçti. O, milliy örnegini tiklegen Qırımdan qırımtatar ustalarını ve olarnı tikken Kosmaçtan ukrayin ustalarını birleştirdi. Bu, "Örnek" süslemelerinde kodlanğan "büyük bir qoranta" olaraq Ukrayinanıñ qoruvı ve refahı içün tileklerge daa çoq mana bere.
''Alem'' cemaat teşkilâtı qırımtatar halqınıñ maddiy olmağan mirasını saqlav ve qoruv leyhaları ile belli. 2022 senesi Ukrayina Milliy tarih müzeyi Hazinesiniñ binasında ''Miras'' sergisi açıldı. Ukrayinanıñ qıtaiy qısmında eñ zengin qırımtatar mücevher sanatı, nağış ve XIX-XX asırnıñ başındaki yaşayış artefaktlarınıñ kollektsiyası taqdim etilgen miras.
Qırımtatar yırcısı Jamalanıñ iştiragi ile 2021 senesi ''Emel'' video leyhası kerçekleştirildi. Onıñ çerçivesinde halq yırları ile 10 videorolik yaratıldı. İvan Franko adına Milliy akademik drama teatriniñ kollektivi ile beraber teatr kontsert programmasınıñ yaratılması boyunca "Faynıy Franko Fyujn" leyhası amelge keçirile. ''Alem'' cemiyeti taqımınıñ teşebbüsi ile Ukrayina Kiçik ilimler akademiyasında ''Qırımtatar gumanitaristikası'' sektsiyası teşkil etildi, onıñ sayesinde Ukrayinanıñ 8 vilâyetinde gumanitar ilimler taqımları açıldı, qırımtatar tili ve medeniyeti bilgenler içün ''Beraber'' umumukrayin yarışı keçirile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
