İşğal etilgen Qırımdaki cografik adlar qırımtatar tilindeki tarihiy adlarına qaytarılacaq, dep bildirdiler Ukrayina Reintegratsiya nazirliginde.
Söz türkiy asıllı ya da tarihiy qırımtatar adlarını taşığan toponimler aqqındadır.
Diger meseleler arasında, mediada ve ilmiy işlerde, yol işaretlerinde ve haritalarnıñ azırlanmasında latin elifbesi yer alacaq adlarnıñ qullanmasına izin berecek mehanizmler ile bağlı muzakereler kete.
Haber etilgeni kibi, bu meselenen İnfraterkip nazirligi Reintegratsiya nazirligi, Qırım MC prezidentiniñ temsilciligi, Qırımtatar Milliy Meclisi ve Milliy hatıra institutı ile beraber oğraşacaq.
Aprelniñ başında Ukrayina Milliy telükesizlik şurasınıñ kâtibi Oleksiy Danılov"Qırımnıñ işğalden azat etilmesi içün 12 adım" adlı yazını yayınlağan edi. Teklifler arasında "rus şerefi şeeri"niñ " "Obyekt № 6" olaraq yañıdan adlandırılması da bar.
Bundan ğayrı Danılov Qırımda "Rusiye arbiy gemisi siktir ket" abidesini tiklemege, 2014 senesinden soñ Qırımğa kelgen RF vatandaşlarını andan sürgün etmege ve Qırım köprüni sökmege teklif etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
