Ukrayina prezidentiniñ Qırım MC-deki daimiy temsilciligi 30-ncı yılını qayd ete. Bunı temsilcilikniñ matbuat hızmeti bildire.
"30 yıllıq yubileyimizni qayd etmek fırsatı içün Ukrayina Silâlı Quvetlerine ve elbette Ukrayina Qırımımız oğrunda faal küreşni devam ettirgen er keske minnetdarmız. 30-ncı yıl cenk vaziyetinde keçkenine baqmadan, bu, bizim institutsional imkânlarımıznı quvetleştirmege, Qırımnıñ işğalden azat etilmesi meselesini yañı seviyege çıqarmağa ve cenkniñ Qırımda başlanğanını ve Qırımda bitecegini dünyağa unuttırmamağa keder etmedi", - dep yazıla bildirmede.
Temsilcilik 31-nci yılını Aqmescitte qayd etmege ümüt etkenini bildirdi.
Evel, Ukraiyna Prezidetniñ Qırım MC-deki daimiy temsilcisi Tamila Taşeva Qırım Rusiye ordusından azat etilgen soñ RF vatandaşlarınıñ yarımadadan çıqarılması ile bağlı beyanatından soñ tehdit etilgenini bildirdi.
2022 senesi aprel ayında Tamila Taşeva Ukrayina prezidentiniñ Qırım MC-deki daimiy temsilcisi vazifesine tayin etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
