Link açıqlığı

Saatnıñ esas haberi

Ukrayina prezidentiniñ Qırım MC daimiy temsilciligi siyasetçiler içün "ProKrym" onlayn kursunı azırladı


Nümüneviy resim
Nümüneviy resim

Ukrayina prezidentiniñ Qırım MC daimiy temsilciligi Şarqiy Avropa fondu ile beraber siyasetçiler içün "ProKrym: Qırımnıñ reintegratsiyasına dair devlet siyaseti" onlayn kursunı azırladı, dep haber ete müessiseniñ matbuat hızmeti.

Bu kurs devlet hızmetçileri, yerli özidare organlarınıñ hadimleri, siyasetçiler ve Qırımnıñ işğali köntekstinde devlet siyaseti meseleleri ile meraqlanğan Ukrayina vatandaşları içün azırlanğan.

"ProKrym" kursu şulardan ibaret:

  • tamır halqlarnıñ ve ukrayinlerniñ inkişafı köntekstinde Qırım yarımadasınıñ tarihı;
  • işğalniñ esas adiseleri ve yarımada ve onıñ ealisi içün aqibetleri;
  • esas uquqiy aktlar, işgal ile bağlı ıstılaat ve ayrı müim meselelerge dair Ukrayinanıñ noqta-i nazarı;
  • vaqtınca avuştırılğan ve Ukrayinanıñ nezareti altında olğan topraqlarda faaliyet köstergen Qırım devlet akimiyeti organları;
  • Qırımnıñ muvaqqat işğali köntekstinde halqara institutlarnıñ fikirleri;
  • Ukrayina ve Rusiye arasında halqara mahkeme esnasları.

Kursnıñ alıp barıcıları ukrayina jurnalistleri Vadim Karpâk ve İrına Slavinskaya oldı.

Tamila Taşeva, İrına Vereşçuk, Anton Korıneviç, İgor Ponoçevnıy, Mariya Tomak, Arsen Jumadilov, Alöna Luneva, Ölga Skripnik, Andriy İvanets kibi davet etilgen ukrayin ekspertleri ve akimiyet organlarınıñ temsilcileri de Qırım aqqında fikirlerini paylaştılar.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG