Ukrayina prezidentiniñ ofisinde Rusiye prezidenti Vladimir Putinniñ cenkniñ bitmesi ile bağlı soñki bildirüvine cevap berdiler .
"Putin kene sulh arzusı aqqında deymi? Şaşılacaq şey. Çüki "cenkniñ çezilmesi" soñ drecede sadedir - rusiyelilerniñ Ukrayinanıñ bütün topraqlarından deral çıqarılmasıdır", - dep yazdı Prezident ofisiniñ yolbaşçısınıñ mesleatçısı Mıhaylo Podolâk.
Sentâbrniñ 16-nda Rusiye prezidenti Vladimir Putin dedi ki, Rusiye Ukrayinadaki cenkni "mümkün qadar tez" bitmesi içün "er şeyni yapacaq", lâkin onıñ sözlerine köre, Ukrayina tarafı aytışuvlardan red ete eken.
Sentâbrniñ 12-nde Ukrayina devlet başı Volodımır Zelenskıy CNN amerika telekanalına şimdiki vaqıtta Rusiye prezidenti Vladimir Putin ile aytışmalar imkânsız olğanını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
