Ukrayina Prezidenti ofisiniñ yolbaşçısınıñ mesleatçısı Mıhaylo Podolâk, ukrayin arbiyleri "mudafaa maqsadınen cenkleşeler" ve Rusiyeniñ özündeki obyektlerge ücüm etmeyler, dep bildirdi. Bunı o Twitterde yazdı.
Memurnıñ sözlerine köre, Rusiyede "telâş ve dağıluv esnasları ziyadeleşe, bularnıñ tezahüratı bellisiz uçaqlarnıñ infraterkip obyektlerine iç ücümleridir".
"Ukrayina Rusiye Federatsiyası terroriyasına darbeler endirmey. Ukrayina bütün topraqlarını işğalden azat etmek içün kendini mudafaa etip cenkleşe. Bu bir aksiomadır", - dep yazdı o.
Podolâknıñ izaatı fevralniñ 27-28-de Rusiyeniñ bir qaç bölgesinde pilotsız uçqan cihazlar tüşken soñ peyda oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
