Deñişüv çerçivesinde daa 107 ukrayin arbiyi Rusiye esirliginden azat etildi, dedi Ukrayina prezidenti ofisiniñ elbaşçısı Andriy Yermak.
"107 askerni azat etip oldıq: 6 zabit, 101 adiy asker ve çavuş. Bular Ukrayina Silâlı Quvetleri, Arbiy deñiz quvetleri, Territorial mudafaası quvetleri, Devlet sıñır hızmeti, Devlet hususiy naqliyat hızmeti, Milliy gvardiyacılar (olarnıñ arasında üç "Azov" askeri"). Bazı göñülliler adamlarnı qorçalamaq ve şeerni mudaafa etmek içün Mariupolge helekopter ile ketken ediler", - dep yazdı o.
Yermaknıñ sözlerine köre, azat etilgenler arasında çoq "uruşlarda yaralanğan" bar.
Rusiye Mudafaa nazirligi deñişüv çerçivesinde 107 rusiye askeri azat etilgenini bildirdi.
Soñki mabüsler deñişüvi oktâbrniñ 29 keçirilgen edi, o zaman 52 ukrayin esirlikten azat etildi.
Oktâbrniñ 27-nde Ukrayina Mudafaa naziriniñ muavini Ganna Malâr bildirgenine köre, Rusiyeniñ Ukrayinağa qarşı büyük istilâsı başlağandan berli 28 deñişüv keçirilgen, Rusiye esirinden 978 adam, şu cümleden 99 silâsız adam azat etilgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
