Ukrayina prezidenti Volodımır Zelenskıy memleket musulmanlarını muqaddes Ramazan bayramı ile hayırladı.
"Bugün musulmanlar içün muqaddes olğan Ramazan ayı bite... Ve ekinci kere tezavuzcı devletniñ bizge, adamlarımızğa ve cemiyetimizge qarşı büyük istilâsı vaqtında bite. Ramazan bayramı ise tam başqa şaraitni aq ete. Tınçlıq, amanlıq ve bizim tırışqanımız ğalebeni aq ete. Allah Ukrayinamız, bütün topraqlarımız ve adamlarımız içün azatlıq nasip etecegine inanam", - dedi devlet başı.
Oraza bayramı, 30 künlük orazadan soñ üç kün devam ete ve Qurban bayramından soñ ekinci eñ müim musulman bayramıdır.
Ramazan — icriy taqvimniñ doquzıncı ayı, İslâm dininde muqaddes ay. Bu ay vaqıtta er bir imanlı musulmanğa orazanı tutmaq kerek, İslâmnıñ beş şartından biri. 30 kün devam ete ve musulman icret taqvimine bağlı ola. Oraza tañ atar vaqtında başlana ve qavuşmattan soñ bite, arasında aşamağa ve içmege mümkün degil. Ramazanda yaramay fikirler, tütün içüv ve mahrem yaqınlığı da yasaq ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
