Ukrayina Mustaqilligi künü munasebeti ile Ukrayina prezidetni Volodımır Zelenskıy işğal etilgen Qırım sakinlerini, qırımtatar halqınıñ temsilcilerini ve musulman ruhaniyleriniñ temsilcilerini "Ukrayina devletçiliginiñ pekitilüvinde müim yararlıqlar, Ukrayina topraq bütünligi ve suverenitetiniñ imaye etilmesinde cesaret ve fedakârlıq kösterigeni, içtimaiy yaşayışnıñ çeşit saalarınıñ inkişafına, devletniñ qorunmasına müim şahsiy isse qoşqanı içün" mukâfatlandırdı. Bunı Ukrayina prezidentiniñ Qırım MC-deki daimiy temsilciliginde haber ettiler.
ІІІ derece Cesaret Nişanı - Memetov Smail (ölümden soñra), ІІІ derece Yararlıq Nişanı - Smedlâyev Zair Sitbelâloviç, İsmagilov Sergey Valeryeviç, Putilin Sergey Vladimiroviç, ІІ derece Yararlıq Nişanı - Ablayev Enver Nazimoviç.
Smail Memetov - arbiy areketlerniñ iştirakçisi. 2014 senesinde Ukrayina Silâlı Quvetleriniñ sıralarında hızmet etti. Rusiyeniñ Ukrayinağa qarşı büyük istidâsı başlanğan soñ territorial mudafaa sıralarına qoşuldı ve Herson vilâyetiniñ Yañı Kahovka şejri oğrunda arbiy areketler vaqıtnda yaralandı ve hastahanege elâk oldı.
Zair Smedlâ - qırımtatar milliy areketiniñ faal iştirakçisi, cemaat erbabı. III, IV ve V çağıruv Qırımtatar halqı qurultayınıñ delegatı. 2013 senesinden berli Qırımtatar Milily Qurultayınıñ Merkeziy saylav komissiyasınıñ reisi.
Şeyh Said İsmagilov (Sergey İsmagilov) – 2022 senesinece "Umma" Ukrayina musulmanları diniy idaresiniñ müftisi. 2022 senesi fevral ayından başlap arbiylerge göñülli destek ve mecburen köçkenlerge gumanitar yardım köstergen "Ğalebe qanatları" cemaat teşkilâtınıñ tesisçilerinden biri.
Murad Putilin (Sergey Putilin) –arbiy imam-kapellan, Ukrayina musulmanları arbiy kapellanlığı idaresiniñ reisi. 2015 senesinden ATO ve OOS mıntaqalarında islâm dinini kütken ukrayin arbiyleri içün kapellan hızmeti etti.
Enver Ablayev - qırımtatar asıllı ukrayin sportçusı, 2015 senesi Fristayl dünya kupunıñ ğalibi, Ukrayina fristayl taqımınıñ baş idmancısı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
