Ukrayina prezidenti Volodımır Zelenskıy Hersonnı ziyaret etti. Bunı Reuters agentligi bildirdi.
Zelenskıy ukrayin arbiyleri ögünde çıqışts bulundı.
''Barışıq, bütün memleketimiz içün barıqqa azırmız'', - dedi o.
Ukrayina prezidenti NATO ve diger ortaqlarğa Rusige qarşı cenkte köstergen destek içüye teşekkür etti ve ABD-den HIMARS raketa top sistemalarınıñ teslimatı Kıyiv içün büyük emiyet taşığanını bildirdi.
Reuters haber etkeni kibi, Zelenckıynı Hersonnıñ esas meydanında şeer sakinkeri Uktayina bayraqları ile qarşılağanlar.
''Men kerçekten bahtlım, bunı adalarpa baqıp körmek mümkün'', - dedi devlet başı.
Jurnalistlerniñ, ukrayin arbiyleri daa da qayda ücüm etecekleri sualine prezident, ''Moskvağa degil... Bizni diger memleketniñ topraqları meraqlandırmay'' dedi.
Herson ve vilâyetniñ bir qısmı rusiye arbiyleri tarafından martnıñ başında işğal etildi. Noyabrniñ 11-nde Ukrayina Mudafaa nazirligi Herson Ukrayina ordusınıñ nezareti altına qaytqanını ilân etti. Şeerniñ merkezinde Ukrayina bayrağını köterdiler.
Ukrayina prezidenti Volodımır Zelenskıy Hersonnıñ işğalden azat etilgen topraqlarından qanun qoruyıcılar artıq 400-den ziyade cinayet vesiqalaştırdı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
