Harkiv vilâyetiniñ Kupânsk rayonında Rusiye ordusınıñ arbiyi yaqalanğan. O anda yarım yıl devamında saqlanğan. Bunı Ukrayina polisiniñ matbuat hızmeti haber ete.
Qanun qoruyıcı organlarınıñ hadimleri qasabada devriyecilik etkeni zaman arbiy olmağan urbada 42 yaşındaki erkekni yaqalağan. Teşkerüv vaqtında erkekniñ Moskva vilâyetinden ve Rusiye ordusınıñ 27-nci motoatıcılar brigadasınıñ arbiyi olğanı belli olğan.
Yaqalanğan şahıs, bölgeniñ Ukrayina ordusı tarafından azat etilgen soñ terk etilgen yerli binalarda saqlanğanını bildirgen. Ukrayinada qalma sebeplerini soraştırıp bilmek onı içün polis bölügine ketirgenler.
Kupânsk rayonı 2022 senesi sentâbr ayında Ukrayina ordusınıñ qarşı ücümi neticesinde işğalden azat etilgen edi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
