Ukrayina prezidenti Ofisiniñ yolbaşçısı Andriy Yermak, Kıyiv tarafından teşkil etilgen ekinci dünya sammitine Rusiye vekiliniñ davet etilmesini Rusiye ile muzakerelerniñ başlanğıçı olaraq qabul etmek kerekmey, dep bildire.
Yermak "Avropa aqiqatına" bergen intervyüsında aytqanı kibi, kelecek sammitte Ukrayina ve diger iştirakçiler Rusiye temsilcisine "Barışıq formulasınıñ" 10 maddesiniñ er birini amelge keçirmek içün plan berecekler.
"Bu Rusiye ile muzakerelerniñ başlanması demek degil. Yoq, bunıñ aqqında degil! Bu plannı teslim etecek körüşüvniñ Ukrayina-Rusiye formatında degil de, planımızğa qol tutqan bütün memleketlerniñ iştiraginen keçirilmesini isteymiz", — dep ayttı Ukrayina TİN başı.
Sammitte Rusiye vekili kim ola bilecegi aqqında, Yermak, bu aqta aytmaq "daa erte" olğanını bildirdi.
Ukrayina Tış işler nazirliginiñ vekili Georgiy Tihiy iyülniñ 30-nda Kıyivde keçirilgen brifingde Ukrayina Rusiyeniñ ekinci sulh sammitine celp etilmesi mümkün olğanına dair mevamını tutmağa devam ete, dep bildirdi.
Aynı zamanda o, Ukrayina barışıqqa ıntılğanını qayd etti, amma bu barışıq adaletli olmalı, mesele de Rusiyeniñ añlı muzakereler alıp barmasıdır. Ve bu yerde, onıñ aytqanına köre, eki faktor müimdir: uruş meydanındaki basqı ve halqara meydanındaki basqı.
İyün 15-16 künleri İsviçre Global Sulh Sammitini qabul etti. 80-den ziyade memleket ve dört teşkilât, şu cümleden Avropa Şurası, Avropa komissiyası, Avropa Şurası ve Avropa parlamenti, Global sulh sammitiniñ yekünlerine dair ortaq beyanatnı desteklediler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
