Avropa komissiyasınıñ yolbaşçısı Ursula Gertrud von der Leyen ve ABD prezidenti Joe Biden Ukrayınağa yardım meselesini muzakere etkenler.
«Avropa Ukrayına içün 50 milliar eurolıq yardım belgilegen soñ Bidennen yahşı bir telefon subeti. Biz Ukrayına ortaqlarınıñ keniş yardımını almağa devam etmege, dep razı oldıq. Biz kerek olğanı qadar Ukrayına tarafını tutacaqmız», – dep yazdı o, X içtimaiy ağında.
Beyaz saray haber etkenine köre, subet vaqtında Biden Avropa Birliginiñ Kyivge maddiy yardım köstermek qararını alğışlap, onı «tarihiy» dep adlandırdı.
«Prezident Biden Avropa Birliginiñ Rusiye istilâsından qorunğan ve Avropaatlantik ıntıluvlarını devam ettirgen Ukrayınağa köstergen istiqrarlı yardımına yüksek qıymet kesti. Ursula Gertrud von der Leyen ABDniñ halqı, şeerleri ve askerleriniñ azatlıq oğrunda küreşinde köstergen Ukrayına ğayretleri içün kerekli olğan daimiy yardımı kritik seviyede müim ola, dep qay etti», – dep bildirdi Washington.
Fevralniñ 1-nde Avropa Birligi memleketleriniñ liderleri Ukrayınağa 50 milliard euro yardım bermege añlaştı. Avropa Birliginiñ bücetinden Ukrayınağa maddiy yardım kösterilecek. 17 milliar doğru yardım ve 33 milliardnı Ukrayına kelecek dört yıl devamında kredit şeklinde alacaq.
Aynı vaqıtta, ABDde Joe Biden memuriyetiniñ Ukrayınağa qoşma olaraq 60 milliard dollar berüv ricası Kongresste muzakerede qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
