Ukrayina ombudsmanı Dmıtro Lubinets Avropa Şurasınıñ komissarı Dunâ Miyatoviç Qırımda insan aqlarına riayet etüv vaziyeti ile bağlı esabatında ifade etken talaplarını destekledi.
Onıñ sözlerine köre, esabatta qanunsız taqipler, zulumlar, tintüvler, esassız tevqifler, mecburiy ğayıp oluvlar, tutulğan kişilerge qarşı insaniyetsiz munasebet, diskriminatsiya, stigmatizatsiya, mecburiy askerlikke celp etüv ve arbiy seferberlik faktları qayd etilgen.
"Dunâ Miyatoviçke Qırımdaki insan aqları vaziyetiniñ tafsilâtlı talili ve tamır qırımtatar halqınıñ öz kimligini saqlamaq ve aqlarından faydalanmaq maqsadınen er taraflı destekke ihtiyacı olğanını añlağanı içün minnetdarım", - dep yazdı Lubinets öz telegram kanalında.
O, qırımtatarlarğa qarşı taqiplerniñ toqtatılması ve qanunsız şekilde tutulğan bütün Ukrayina vatandaşlarınıñ azat etilmesi talaplarnı da destekledi.
"Rusiye işğal akimiyet organlarınıñ 2014 senesinden berli Ukrayina yarımadası topraqlarında yapqan halqara gumanitar uquq qaidelerine sayğısızlıq kösterüv ve insan aqlarını bozuv halqara seviyede aqlı olaraq yaramay dep tanıla. Eminim ki, esabatta taqdim etilgen malümat Ukrayina topraqlarındaki cinayetlerde suçlu olğanlar ve olarnıñ mesülyietke celp etilmesi ile bağlı delil bazasına kirsetilecek", - dep qayd etti ombudsman.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
