Link açıqlığı

Saatnıñ esas haberi

Ukrayina Nazirler şurası Qırımnıñ 22 coğrafik adını deñiştirmege teklif ete – halq deputatı


Derc etilgen cedvelde demiryol stantsiyaları, özen, ayırıq ve tabiat abideleri bar
Derc etilgen cedvelde demiryol stantsiyaları, özen, ayırıq ve tabiat abideleri bar

Ukrayina Nazirler Şurası Qırımda Rusiye imperiya siyasetiniñ timsalleri olğan 22 coğrafik adnı deñiştirmege teklif ete. Bu aqta halq deputatı Oleksiy Ğonçarenko haber etti.

Derc etilgen cedvelde demiryol stantsiyaları, özen, ayırıq ve tabiat abideleri bar. Hususan:

  • Demiryol stantsiyaları: Kirovskaya, Krasnoflotskoye ve Krasnoperekopsk İslâm Terek, İçki ve Yañı Qapuğa deñiştirmege teklif ete.
  • Qarasuvbazar rayonında Suvorovskiy dub qoruq tabiat abidesi – «Dört qardaş» emenine. Yalta rayonındaki Krasnıy kamen geologik tabiat abidesini Qızıl Taşqa.
  • Vorontsovka özenini – Kuçuk Çatırlıqqa, Krasnogvardeyskiy kanalına Qurmanğa.

Qırımtatar Milliy Meclisiniñ reisi Refat Çubarov işğal etilgen Aqyar (Sevastopol) şeerine tarihiy adını qaytarmağa teklif etken edi.

Rusiyeniñ Ukrayinağa qarşı büyük ücümi başlanğanından berli qasaba, soqaq, skver ve parklarnıñ adları deñiştirile, Rusiye Federatsiyası ya da Sovetler Birliginen bağlı abideler ve hatıra levhaları yıqıla.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG