Ukrayina nazirler kabineti 2025 senesiniñ ilk aylarında qırımtatar tiliniñ imlâsını resmiy şekilde tasdıqlay bile. Bunı Qırımtatar Milliy Meclisiniñ reisi Refat Çubarov bildirdi.
Onıñ aytqanına köre, bu ileride qırımtatar tiliniñ luğatını azırlamağa imkân berecek.
"Ümüt etem ki, 2025 senesiniñ ilk aylarında Ukrayina Nazirler Kabineti qırımtatar tiliniñ imlâsını öz qararı ile tasdıqlaycaq. Bu, bizge qarşı turğan bazı ameliy meselelerniñ yolunı açmaqta. Hususan, qırımtatar tiliniñ izaat luğatınıñ azırlanuvında", — dep ayttı Çubarov.
Daa evel haber etilgeni kibi, qırımtatar Vikipediasınıñ 17 yıllığına 2025 senesi yanvar 12-27 künleri onlayn-entsiklopediyanı toldurmaq içün marafon ötkerilecek.
İyünniñ 20-nden avgustnıñ 5-ne qadar keçirilgen marafonda iştirak etken 14 insan qırımtatar Vikipediasınıñ 500-den ziyade maqalelerini yarattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
