Ukrayına Silâlı quvetleriniñ Baş ştabı qayd etkenine köre, Ukrayına deñizlerini mayınlardan temizlemek içün işbirligi daima quvetleştirile.
Ukrayına arbiyleri tarif etkenine köre, bular «Ukrayına mudafaa quvetleri menimsemege tırışqan NATO standartlarına köre yapıldı, arbiylerniñ qayd etkenine köre, tek yekâne printsipler umumiy vazifelerniñ muvafaqiyetli yerine ketirilüvi içün temel olur ve kelecekte Ukrayınanıñ Rusiyeden telükesizligini temin eter».
«Şunıñ içün nazariyeden ğayrı, arbiylerniñ tehnik vesiqalarnı añlamaq ve halqara ortaqlarnen serbest subetleşmek içün inglizce ögrenmesi müim oldı. 2023 senesi deñizcilerimiz alğan bilgilerini ameliyatta köstere bilecekler», – dep aytıla haberde.
Ukrayına Silâlı quvetleriniñ Baş ştabı qayd etkenine köre, NATOnıñ Standing NATO Mine Countermeasures Group mayın ile küreş gruppasınen beraber Şotlandiyanıñ şimaliy-şarqiy yalısında şartlı buhran rayonında mayınlarnı temizlev operatsiyası planlaştırıldı. Ştab vazifelerni yerine ketirgen mayınlar ile küreş quvetlerini idare etti.
«Al-azırda Ukrayına deñizcileri çetelde ögrenmege devam ete ve Rusiye işğalci flotunıñ telükesiz tesirsiz qalacaq ve Ukrayına suvları mayınlardan temizlene bilecek vaqıtqa azırlana. Bu vaqıtqa qadar ğarbiy ortaqlarımıznen NATO standartlarına köre işbirligine irişmek müim», – dep qayd etti Ukrayına Silâlı quvetleri.
Keçken sene Ukrayınanıñ fevqulâde vaziyetler devlet hızmeti Odesa vilâyetiniñ sakinlerini Odesa plâjlarında mayınlar olğanı içün anda barmamağa çağırğan edi. Deñizde patlağan mayınlardan insanlar can bergen ve yaralanğan edi.
Bu yıl mayıs ayında Odesa arbiy-vatandaş memuriyeti Odesada Qara deñizniñ bir qısmını açtı. İyün ayında Kahovka gidroelektrostantsiyasınıñ benti patlatılğan soñ akimiyet Ukrayınada eñ büyük ekologik felâket, Qara deñizniñ kirlenmesi aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
