Martnıñ 30-na keçken gecesi Rusiye arbiyleri Ukrayinağa 12 "Shahed-136/131" dronnen ücüm etti, dep aytıla Ukrayina arbiy ava quvetleriniñ haberinde.
Qayd etilgenine köre, martnıñ 30-nda gece duşman Donetsk vilâyetiniñ territoriyasına dört S-300/S-400 zenit idare etici raketa ve Qırımnıñ Çauda burnundan uçucısız uçaqlar ile urdı.
"Ava mudafaası quvetleri duşmanlarnıñ 12 uçaqlarından 9-nı urıp tüşürdi. Ücümni toqtatmaq içün Herson, Odesa, Dnipropetrovsk ve Poltava vilâyetlerinde Ukrayina mudafaa quvetleriniñ mobil ateş gruppalarınıñ bölükleri celp etildi", - dep haber ettiler müessisede.
Rusiye arbiyleri Ukrayinağa çeşit silâlardan ücüm ete - ücüm uçaqları, raketalar, toplu ateş sistemaları. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
