İyülniñ 6-na keçken gecesi Ukrayina mudafaa quvetleri Rusiyeniñ Shahed tipindeki 27 uçaqlarından 24-ni urıp tüşürdi, dep bildirdi Ukrayina Silâlı quvetleriniñ Ava quvetleriniñ komandanı general-leytenant Nikolay Oleşçuk.
Onıñ aytqanına köre, "iyülniñ 6-nda gece rusiyeliler vaqtınca işğal etilgen Qırım ve Kursk vilâyetinden Shahed-131/136 tipinde 27 ücüm dron ile ücüm etti".
"Ava ücümini toqtatmaq içün Ukrayina mudafaa quvetleriniñ mobil ateş gruppaları, Ava quvetleriniñ zenit raketa bölükleri, Quru topraq ordularınıñ ava mudafaası, radioelektron küreş bölükleri celp etildi", — dep ayttı Olesçuk.
Ukrayina Silâlı quvetleriniñ Ava quvetleri komandanınıñ aytqanına köre, "Kök qoruyıcıları Dnipropetrovsk, Poltava, Zaporojjâ, Herson, Harkiv, Donetsk, Sumı, Çerniğiv, Vinnıtsâ, Kıyiv, Kirovoğrad, Mıkolayiv vilâyetlerinde 24 Shahed tipindeki dronnı urıp oldı".
Rusiye arbiyleri çeşit silâlardan Ukrayina regionlarına muntazam surette ücüm ete. Delillerge ve delillerge baqmadan, Moskva Ukrainanıñ vatandaşlarına qarşı yapılğan ücümni inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
