Ukrayina Mudafaa nazirliginiñ Baş istihbarat idaresiniñ temsilcisi Andriy Yusov pilotsız uçaqlarnıñ Moskvağa bugünki ücümini izaatladı.
"Moskva aqqında aytsaq, biz adet üzre bunı izaatlamaymız. Amma bu ola. Eger Rusiyeniñ 45-nci brigadası Ukrayinanıñ arqa cebesinde diversiyalar ile oğraşsa, demek ki Moskvağa da bir şeyler uçıp kele bile. Öyle ola", - dep bildirdi o.
RF Mudafaa nazirligi Yañı Moskva ve Podmoskovyede 5 pilotsız uçaqnıñ urıp tüşürilmesi aqqında bildirdi. Rusiye bunda Ukrayinanı qabaatladı.
Mayıs ayında Moskvağa eki ücüm aqqında haber etilgen edi. O zaman Rusiye Ukrayinanı qabaatladı. Kıyiv ise Rusiye topraqlarındaki patlavlarnı izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
