Ukrayına ordusı Zaporijjâ vilâyetinde Pyatıhatkı mesken yerini azat etti, dep bildirdi Ukrayına mudafaa naziriniñ muavini Ğanna Malâr.
«Eki afta devam etken ücüm areketleri vaqtında Berdânsk ve Melitopol yönelişlerinde «Tavriya» bölükleri 8 mesken yerni azat etti: Novodarivka, Levadne, Storojeve, Makarivka, Blağodatne, Lobkove, Neskuçne, Pyatıhatkı. Umumen tavrik yönelişinde bölükler duşmanğa 7 km ileriledi. Cenüpte azat etilgen yer 113 km2 oldı», – dep yazdı o, Telegram kanalında. Ve Ukrayına mudafaa quvetleriniñ işi Tavrik yönelişinde devam ete, dep qoştı.
Malâr aytqanına köre, Rusiye ordusı keçken ayta Liman-Kupyansk, Avdiyıvka ve Maryınka yönelişlerinde ücüm etmege devam etti – bu yönelişlerde Ukrayına quvetleri «bir metr topraq» coymadı.
Ukrayına mudafaa naziriniñ muavini cenüpte keçken afta bir qaç yönelişte ücüm oldı, dep qoştı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
