Mudafaa quvetleri Melitopol ve Berdânsk yönelişlerinde qarşı ücümni devam eteler, dep bildirdi Ukrayina Mudafaa naziriniñ muavini Ğanna Malâr.
"Pek ağır arbiy uruş şaraitine ve duşmanıñ qarşılığına baqmadan Urojayne yönelişinde, Staromayorsktan biraz cenüpke bizim ordumıznıñ muvafaqiyeti bar", - dep ayttı o.
Onıñ sözlerine köre, şarqta vaziyet qıyın qala: Ukrayina Silâlı Quvetleri Rusiye ordusınıñ Kupânsk ve Liman yönelişlerinde ücümini toqtata.
"Bahmut yönelişinde cenüp qısmında ordumız ücüm etmege devam ete. Duşman Kleşçiyevka civarında ğayıp etken mevzilerni qaytarmağa tırıştı, amma muvafaqiyetsiz. Ağır uruşlar devam ete", - dep qoştı o.
Bundan ğayrı o Avdiyivka ve Marinka yönelişlerinde de vaziyet pek kergin olğanını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
