Bir afta içinde Ukrayina Silâlı Quvetleri Harkiv vilâyetiniñ 3800 kvadrat kilometr toprağını azat etip oldı. Bunı Ukrayina Mudafa naziriniñ muavini Ganna Malâr haber etti.
"Bu 300-den çoq mesken yer, tahminen 150 biñ eali. Bu stabilleşme tadbirler ile beraber tasdıqlanğan raqamlardır", - dedi o.
Aynı zamanda, Malârnıñ sözlerine köre, Harkiv vilâyetinde azat etilgen topraqnıñ "kerçek raqamı aman-aman eki qat ziyadedir"
Sentâbrniñ 10-nda Rusiye Mudafaa nazirligi Ukrayinanıñ Harkiv vilâyetine ücümge başlağan soñ ilk defa Rusiye ordusınıñ keri çekilgenini tasdıqladı.
Sentâbrniñ 13-nde Ukrayina Mudafaa naziri Oleksiy Reznikov ukrayin arbiyleriniñ Ukrayinanıñ şarqına ücümi "beklengenden daa yahşı olğanını" bildirdi.
Soñki bir qaç kün içindem ukrayin arbiyleri Rusiyeniñ zapt etken Harkiv vilâyetiniñ aman bütün territoriyasını azat etip, Rusiye ile sıñırğa çıqtılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
