«İç arbiy seviyede muzakere etken bütün parametrlerimizge köre komandanlarnıñ deñişmesinen bağlı mevzu. Şimdilik qarar yoq, dep ayta bilem. Amma semerelikni arttırmaq içün elimizden kelgenini yapamız. Olsa, bunı açıq-açıq laf etecekmiz», – dedi Rustem Umerov.
Noyabrniñ 13-nde «Ukrayınska pravda» neşiri menbalarına esaslanıp bildirgenine köre, Ukrayına Mudafaa nazirligi Ukrayına Silâlı quvetleri üç komandanınıñ işten boşatıluvını baqa: Tibbiy quvetler komandanı Tetâna Ostaşçenko, «Tavriya» operativ-strategik ordu gruppirovkasınıñ komandanı Oleksandr Tarnavskıy ve Ukrayına Silâlı quvetleri Birleşken quvetleriniñ komandanı Serğiy Nayevni.
Ekisinen bağlı bir qarar ya da açıq izaatlar yoq. Aynı vaqıtta noyabrniñ 19-nda Ukrayına Silâlı quvetleri Tibbiy quvetleri komandanı Tetâna Ostaşçenkonıñ işten çıqarılğanı ve onıñ yerine Anatoliy Kazmırçuknıñ tayin etilüvi aqqında belli oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
