Nazir qayd etti ki, Büyük Britaniya Ukrayinanıñ eñ büyük ortaqları ve ittifaqdaşlarından biridir. Hususan, o, berilgen silâ içün minnetdarlıq bildirdi, bu ise Ukrayinağa Rusiye terroristleriniñ istilâsınıñ ilk künlerinde dayanmağa imkân berdi, em de bugün de ukrayin topraqlarını azat etmege imkân bere.
Umerovnıñ aytqanına köre, kelecek sene Ukrayina Mudafaa nazirliginiñ maqsadı Ukrayinada silâ çıqarılmasını lokalizatsiya etmektir. O, Britaniya mudafaa şirketlerini uruşta numünelerniñ teşkerüvini ve ukrayin arbiyleriniñ tez cevaplarını qullanıp, ukrayin istisalcılarınen açıq ve semereli işbirlik qurmağa çağırdı.
"Biz britaniyalı istisalcılarınen doğrudan añlaşmalarğa meraqlanamız, uzun müddetli añlaşmalar imzalamağa azırmız", - dedi nazir.
Kelecek sene Ukrayina Mudafaa nazirliginiñ bücetine silâ, arbiy tehnika ve silâ içün 255 milliard grivna ayırıla. Umerovnıñ qayd etkenine köre, Ukrayina tek tehnologiyalarnı yaratmağa ve inkişaf etmege degil de, olarnı kenişletmege planlaştıra.
Bu künleri Ukrayina prezidenti Volodımır Zelenskıy, ittifaqdaşlarnıñ yardımı olmadan Ukrayina, büyük cenkniñ başında olğanı kibi, Rusiye ile öz başına küreşmek mecbur olacaq, dep bildirdi.
Al-azırda Joe Biden tarafından teklif etilgen Ukrayinağa 60 milliard dollardan ziyade yardım Amerika qanun çıqarıcıları tarafından blok etilmege devam ete. Em Beyaz ev, em de Ukrayina akimiyeti, bu Rusiye istilâsına qarşı küreş içün telükeli olğanını defalarca aytqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
