Ukrayina Mudafaa naziri Oleksiy Reznikov Kıyiv işgal etilgen Qırımğa ve Keriç köprüne darbeler endirmege devam etecegini bildirdi.
"Bütün bu nişanlar resmiydir, çünki bu olarnıñ bizge qarşı cenkleşmek qabiliyetini eksiltecek ve ukrayinlerniñ ayatını qurtarmağa yardım etecek", - dep ayttı Reznikov.
Ukrayinanıñ maqsadı köpürni tamamınen yıqmaqmı kibi sualge Reznikov şöyle dedi: "Daa çoq arbiy yedek, yaqıt, aş-suv almaq imkânlarını toqtatmaq içün duşmannıñ logistik yollarını yoq etmek normal taktikadır. Bu sebepten olarğa qarşı bu taktikanı qullanacaqmız".
İyülniñ 24-nde saba Aksönov Qırımda 11 uçucısız tesirsiz alğa ketirildi, dep bildirdi. Canköy rayonında silâ anbarından ğayrı, uçucısız parçaları İslâm Terek rayonındaki mesken evge zarar ketirgen. Ukrayina Mudafaa nazirligi Baş istihbarat idaresiniñ vekili Andriy Yusov bildirgenine köre, Qırımnıñ Rusiye arbiy obyektlerine qarşı ücümler Kreml rejiminiñ "olarnı bile qorup olamağanını" köstere.
İyülniñ 17-nde saba Qırımnıñ Rusiye yolbaşçısı Sergey Aksönov Keriç (Qırım) köpründe areket toqtatıldı, dep bildirdi. Onıñ aytqanına köre, Rusiyeniñ Krasnodar ülkesi tarafından 145-inci dayaq fevqulâde adise oldı.
Ukrayina Mudafaa nazirliginiñ Baş istihbarat idaresiniñ spikeri Andriy Yusov Keriç köpründeki «fevqulâde adiseni» izaatlamağa istemedi. «Tek Ukrayina Mudafaa nazirligi Baş istihbarat idaresiniñ reberi Kırılo Budanovnıñ «Qırım köprü – artqaç bir inşaat» degen laflarını tekrarlamaq mümkün», – dep ayttı o.
RBK-Ukrayına menbalarına esaslanıp, Qırım köpründe olğan zararlar – Ukrayına Silâlı quvetleri ve Telükesizlik hızmetiniñ Arbiy-deñiz quvetleriniñ mahsus operatsiyasıdır, dep bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
