Ukrayina Mudafaa naziri Rustem Umerov Ukrayina Silâlı quvetleri RF ordusınıñ üç mudafaa hattından ekisini keçti, dep bildirdi.
Nazirniñ sözlerine köre, arbiyler Rusiye ordusınıñ ekinci mudafaa hattını keçken ve şimdi üçüncisi ögündedir.
"Topraqlarımıznı keri almağa devam eyemiz. Mudafaa hatları bar, biz birinci ve ekincisini artıq keçtik, şimdi ekinci ve üçünci arasındamız", - dedi o.
Bundan ğayrı onıñ sözlerine köre, Ukrayinanıñ 2024 senesine topraqlarnıñ işğalden azat etilmyesi içün planı bar.
"Bizim planımız bar. Biz topraqlarımıznıñ yüzde 50-sini işğalden azat ettik, opraqlarımznı eski alına qaytardıq. 2024 senesi içün de planımız bar", - dep bildirdi nazir.
Valeriy Zalujnıynıñ sözlerine köre, tehnologik üstünlik olmadan RF quvetlerine qarşı "teren ve güzel oñğarlıq büyük ihtimalnen olmaycaqtır".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
