Ukrayina Mudafaa naziri Oleksiy Reznikov Ukrayina topraqlarınıñ Rusiye ordusından azat etilüv dinamikasını numayış etken videonı yayınladı.
"Ukrayina Silâlı Quvetleriniñ kün-kuden küz ücümi. "Rusiye parlamenti" boş-boş ilhaq ıtıluvları ile sarğoş olğan vaqıtnda, bizim askerlerimiz areket etmekni devam eteler. Er angi "referendumlarğa", "fermanlarğa", "añlaşmalarğa" eñ yahşı cevap budır", - dep yazdı o Twitterde.
Reuters agentligi oktâbrniñ 3-nde bildirgenine köre, Ukrayına quvetleri Rusiye mudafaasını keçip, Dnipro özeni boyunca tez ilerilep, Rusiyeniñ büyük ücümi başlağanından cenüpte eñ büyük ilerilev yaptı. Rusiye tarafı Herson vilâyetinde ordusı çekilgenini vastalı olaraq tasdıqladı. Kütleviy haber vastalarınıñ malümatına köre, oktâbrniñ 4-nde Rusiye Mudafaa nazirliginiñ köstergen uruş haritası Rusiye ordusınıñ Herson vilâyetinde aman-aman 30 kilometrge çekilgenini köstere.
Oktâbrniñ 2-nde Herson vilâyetiniñ Novovorontsovskiy rayonında Kreşçenovka köyüniñ azat etilüvi aqqında içtimaiy ağlarda bildirdi. Ukrayına Silâlı quvetleri bu malümatnı resmiy şekilde tasdıqladı. Lâkin Ukrayına Mudafaa nazirliginiñ «Yug» operativ komandanlığınıñ birleşken koordinatsion matbuat hızmetiniñ yolbaşçısı Natalâ Ğumenük «muvafaqiyetler bar», dep bildirdi.
Amerika cenkni tedqiqt etüv institutınıñ ekspertleri, Limanda Rusiye ordusınıñ yutturuvı Lugansk vilâyetinde mevzilerni saqlamaq Ukrayına cenübi qadar müim olmağanını köstere, dep tüşüne.
Sentâbrniñ soñunda Pentagon Ukrayına arbiyleri «maqsadına irişip ileriley», dep bildirdi, cenüp ve şimalde Rusiye quvetleri mudafaa ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
