Link açıqlığı

Saatnıñ esas haberi

Ukrayina Mudafaa naziri rusiyelilerni yañı seferberlik dalğasından qaçınmağa çağırdı


Arhiv fotosı

Ukrayina Mudafaa naziri Oleksiy Reznikov rusiyelilerni yaqın vaqıtta ilân etile bilecek yañı seferberlik dalğasından qaçınmağa çağırdı.

"Er angi bir şekilde seferberlikten qaçınıñız. Bünkerdeki başlar yañı askerlerni yibere bilemegenlerde, olar mağlubiyetni qabul etmege mecbur olacaqlar. Ve cenk bitecek. Ertemi keçmi bu olacaq, amma fiyatı ne olacaq bu başqa mesele", - dedi Reznikov.

Reznikovnıñ sözlerine köre, 2023 senesiniñ başında Rusiye cenk vaziyetini ilân etmege ve erkekler içün sıñırnı qapatmağa azırlana.

"Men rusiyeli askerlikke mecbur olğan şahıslarğa muracaat etmek isteyim. İlk nevbette bu büyük şerlerniñ sakinlerine aittir. Eminim ki, bir saylav yapmaq içün siziñ bir aftañız qaldı. Yanvarniñ başında ükümet erkekler içün sıñırnı qapatacaq ve cenk vaziyetini ilân etecek", - dep qayd etti o.

Onıñ sözlerine köre, Belarusta arbiy yaşta olğan kişiler içün de sıñırlar qapatılacaq.

"Sözüme inanıñız demeyim, özüñizge tek bir sual berip oña cevaplanğanıñıznı isteyim: cenkke ketip, anda ölseñiz ya da saqat qalsañız şahsen siz ne ya da kim içün cenkleşeceksiñiz?", - dedi nazir.

Evel Reznikov The Guardian neşrine intervyü berir eken, Rusiyede seferber etilgenlerni azırlav ve yañı seferberlik dağlasını ilân etüv RF-nıñ Ukrayinağa yañı ücüm başlamaq niyetinde olğanını köstere, dep bildirgen edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG