Link açıqlığı

Saatnıñ esas haberi

Ukrayina Mudafaa naziri er kün cebede 100-ge qadar ukrayin askeri ölgenini bildirdi


Ukrayina Mudafaa naziri Oleksiy Reznikov, er kün cebede 100-ge qadar ukrayin askeri ölgenini bildirdi.

"Cebede vaziyet ağırdır. Er kün yüzge qadar arbiyimiz öle ve 500 yaralana. Kreml kütlenen almağa devam ete, qıynala ve küçlü tirenüvnen qarşılaşa. Pek çoq arbiy öle. Amma cebeniñ ayrı yerlerinden ilerilemek içüye bayağı quveti daa bar", - dep yazdı o.

Cenkleşken taraflar öz ğayıpları aqqında siyrek haber eteler. RF Mudafaa nazirligi daa mart ayında Ukrayinada bir buçuq biñ arbiyi ölgenini haber etken edi. O vaqıttan berli Rusiye cenkte elâk olğan arbiyleriniñ sayısı aqqında malümat bermey.

Ukrayina Baş ştabınıñ malümatına köre, istilânıñ başlanğanından berli RF ordusı Ukrayinada 31 biñ arbiyini ğayıp etti.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kıyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG