Ukrayina Medeniyet naziri Oleksandr Tkaçenko emindir ki, nevbetteki Eurovision yır yarışı Ukrayinada keçirilmelidir. Bunı o iyunniñ 3-nde brifing vaqtında bildirdi.
"Bizim bunıñ Ukrayinada keçirilmesine şübemiz yoqtır. Tek bir şey bar, cenk vaqtında daa iç bir kimse Eurovision yır yarışını keçirmegen edi...Şimdi zenaatdaşlarımıznen beraber Til birliginiñ köstergen eñ müim şartlarğa cevaplar qıdıramız, amma laf etkenimiz zaman bazı şartlarnı deñiştirmek kerek olacağanı añlatmaq kerek olacaqmız", - dedi Tkaçenko.
Onıñ sözlerine köre, Ukrayina artıq Avropa Til birliginden memleketniñ Ukrayinadaki "Eurovision" teşkil etilmesi çerçivesinde al etmeli meselelernen bağlı sorğu anketini alğan.
Bu sene "Eurovision" yır yarışında ğalebeni Kalush Orchestra ukrayin gruppası Stefania yırı ile qazandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
