Ukrayina Silâlı Quvetleriniñ Mahsus ameliyatlar quvetleri ilk küz ayınıñ 30-nda gece, Qırımda S-400 "Triumf" Zenit-raketa kompleksiniñ radar stantsiyasına dronlarnen ücüm etkenini bildirdiler.
Ukrayina mahsus ameliyatlar quvetleriniñ telegram kanalında bildirilgeni kibi, radar stantsiyası yoq etilgen
"Şu cümleden pilotsız uçaqlarlarğa qarşı qullanılğan duşmannıñ paalı ava mudafaa sisteması Ukrayina mahsus ameliyatlar quvetleriniñ ücüm dronlarınen yoq etilgeni timsaliydir. Radar stantsiyası S-400 Triumf kompleksiniñ "közü"dir. Közetüv ve kösterüv elementisiz bütün sistema qabiliyetini coya", — dep aytıla haberde.
Rusiye arbiyleri bu haberni şimdilik daa izaatlamadı.
Evel, ilk küz ayınıñ 30-nda gece Rusiye akimiyeti Keriç köpründe yarım saatqa areketni toqtatqanı aqqında haber eitlgen edi.
2022 senesinden başlap Qırım aman-aman er kün pilotsız uçaq ve raketalarnıñ ücümlerine oğray. Rusiye akimiyeti, faktlar tasdıqlansa bile, arbiy obyektlerge zarar ketirilgenini inkâr ete.