Kıyivniñ Solomenskiy rayon mahkemesi Sumı vilâyetiniñ 62 yaşlı barışıqsever sakini Olekasandr Şilipovnıñ öldürilüvi davası üzre 21 yaşlı Rusiye arbiyi Vadim Şişimarinni ömürlik apis cezasına mahkmü etti.
Qabaatlav tarafı evel Rusiye arbiyini Ukrayina Ceza Qanunnamesiniñ 438-nci maddesiniñ 2-nci qısmına binaen ("Cenk qanunları ve adetlerini bozuv") qabaatlı tanıp ömürlik apis cezasına mahküm etilmesini istedi.
Mahkemeci avtomatlalarnıñ ekspertizası protokollarını ve olarnıñ nomeralarını, şu cümleden Şimimarinniñ avtomatınıñ nomerasını oqudı ve öldürüv yerinde dört şaatnıñ iştiragi ile mahkeme deñevi keçirilgeni aqqında aytıp berdi. Mahkeme, öldürüv aselet yapılğanı qararına keldi.
Bellisiz şahısnıñ emrini yerine ketirmekten red etmesi Şişimarin içün asla telükeli degil edi, bundan ğayrı o ateş açıp, nişanğa tiymegeni kibi yapar bilir edi. Amma qabaatlınıñ mahkemedeki areket tarzı bunı añlap yapqanını kösterdi.
Mahkeme Rusiye arbiyi Şelipovnı öldürmecegi aqqında qabaatlınıñ ve advokatınıñ şaatlığını red etti.
Vadim Şişimarin Moskva vilâtetiniñ 4-nci tank Kantemirov diviziyası bölüginiñ komandanıdır. O, cenk qanunları ve adetlerini bozu ile qabaatlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
