Ukrayına mudafaa naziri Rustem Umerov Ukrayına Silâlı Quvetleriniñ baş komandanı Valeriy Zalujnıy ve Ukrayına Baş ştabınıñ yolbaşçısı Serğiy Şaptala Kupyansk civarındaki Ukrayına Silâlı Quvetleriniñ mevzilerini ziyaret ettiler.
Ukrayına Mudafaa nazirliginiñ matbuat hızmeti Telegramda haber etkenine köre, «Hortıtsâ» operativ-strategik ordu gruppirovkasınıñ komandanı Oleksandr Sırskiy Ukrayına arbiyleri duşmannıñ ücümlerini keri qaytarğan Kupyansk etrafındaki vaziyetnnen tanış oldı. Ukrayına Mudafaa nazirligi qayd etkenine köre, Rusiye arbiyleri bu yönelişte muvafaqiyetli degil.
«Bu yönelişlerde cenkleşken bölük komandanlarınen körüştim. Vaziyetten haber ettiler. Qararlar eñ yaqın vaqıtta qabul etilecek – duşman begenmeycek», – dep qayd etti Ukrayına mudafaa naziri.
Soñki vaqıtları Rusiye ordusı Kupyansk yöneleşine ücüm ete, Harkiv vilâyetindeki Sınkivka rayonında Ukrayına ordusınıñ mudafaasını bozmağa tırışqanı çoq bildirilgen edi.
Ukrayına Silâlı quvetleriniñ Qara ordu komandanı Oleksandr Sırskiyniñ aytqanına köre, duşman Kupyansknıñ blok etilüvi içün şaraitlerniñ yaratılması içün Sınkivkanı zapt etmege tırışa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
