Ukrayina mudafaa quvetleri İlk yaznıñ 17-de gece Rusiye Federatsiyasınıñ kölge flotunıñ tankerine, logistika obyektlerine ve arbiy maqsatlarına ücüm etti, dep bildirdi Ukrayina Silâlı quvetleriniñ Baş ştabı.
"Qara deñizde FINA A (IMO 9283306) kölge flotunıñ tankerine zarar ketirildi . Gemi AB, İsviçre, Büyük Britaniya, Kanada ve Ukrayinanıñ sanksiyaları altında buluna. Maqsatnıñ yoq etilüvi tasdıqlandı. Zarar körgenlerniñ sayısı aqqında malümat alına", — dep aytıla esabatta.
Komandanlıqnıñ malümatına köre, tanker Rusiye menfaatları içün halqara sanksiyalar ve sıñırlavlardan keçip, cermay ve cermay mahsulatını taşımaq içün qullanılğan. Onıñ uzunlığı 244,6 metr, umumiy tonajı ise 62 002 birliktir.
Bundan da ğayrı, Ukrayin ştabı, Rusiye ordusı, işğal etilgen Ukrayina cenübinde arbiy logistika ve küç ve vastalarnı keçirmek içün qullanğan obyektlerge, şu cümleden Qırımğa alıp barğan köpürlerge endirilgen darbeler aqqında bildire:
Hususan, Şimaliy-Qırım kanalı boyunca avtomobil köprü, Stavka meskün yeri ve Herson vilâyetiniñ Voinki rayonında avtomobil köprü zarar kördi.
Muarririyet bu malümatnı mustaqil olaraq teşkip olamay.