Ukrayina istihbaratı Qırımda Rusiye Federatsiyasınıñ eki tikuçarı ve gemisini yoq etkenini bildirdi. Bu aqta müessiseniñ Telegram kanalında haber etile.
Mudafaa nazirliginiñ Baş istihbarat idaresiniñ malümatına köre, Aqmescit civarındaki Sarabuz qasabasındaki RF aviabazasına dronlar ücüm etti — eki Mi-8 tikuçarı uruldı. Olarnıñ fiyatı tahminen 20-30 million dollar.
Bundan ğayrı, Aqyar körfezinde BUK-2190 buksiri yoq etildi.
Ücüm ne vaqıt yapılğanını GUR aytmay. Lâkin bundan evel OSINT-talilcileri arman ayınıñ 30-nda tikuçarlarnıñ yoq etilüvi mümkün olğanını bildirgen ediler. Rusiye tarafı ğayıplarnı izaatlamadı.
Evel bugün Ukrayina Silâlı Quvetleriniñ Mahsus Operatsiyaları işğal etilgen Saq şeerindeki arbiy uçaq alanında S-300 kompleksine ait radarlarnı yoq etkenlerini bildirgen edi.
2022 senesinden başlap yarımadağa aman-aman er kün arbiy uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.