Ukrayina Mudafaa nazirliginiñ Baş istihbarat idaresi işğal etilgen Qırımda “Cankoy” uçaq alanında “Valday” Rusiye radiolokatsion tapuv ve qarşı areket kompleksine qarşı darbe aqqında bildirdi. Bu video müessiseniñ Telegram kanalında derc etilgen edi.
“Ukrayina Mudafaa nazirliginiñ Baş istihbarat idaresi Faal areketler departamentiniñ Uçucısız sistemalarnıñ idare ustazları vaqtınca işğal etilgen Qırımda “Cankoy” ava limanında gizli radiolokatsion sistemanı tapıp ücüm etti”, – dep aytıla video altında.
Bu darbe ne vaqıt endirildi aytılmay. Derc etilgen levhalarnı cenk vaziyetinde teşkermek imkânsız ola. Rusiye tarafı bu darbe aqqında ve bu kompleks aqqında bildirmegen edi.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.
