Ukrayina Mudafaa nazirliginiñ Baş istihbarat müdirliginiñ yolbaşçısı Kırılo Budanov, Qırım köprüniñ Ukrayina yarımadanı keri qaytarğan soñ yoq olacağını bildirdi.
"Qırım köprü yoq etilecek timsaldir. Qırım keri alınğan soñ bu köpür yoq etilecek. Bu naqliyat arteriyası iç kimsege kerek degil", - dedi Budanov "Ukrayina aqiqatı" neşrine.
O, köpürde yaqında yüz bergen patlavnı da izaatladı.
"Qırım köprü pek küçlü zarar körgenini ayta bilem. Bu köpür "rusiye dünyasınıñ" timsalledirden biridir. "Moskva" kreyseri battı, Qırım köprü de demek mümkün. Bütün bular bu rejimniñ tezden yoq olacağını köstere", - dedi o.
Oktâbrniñ 17-nde Rusiye akimiyeti Keriç köpründe avtobus areketini yañıdan başlattı. Bundan soñ Rusiye tarafından tıqanıqlıq oldı. Rusiye Naqliyat nazirliginiñ malümatına köre, soñki künde köpürde 80 avtobus keçti.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı.
Rusiye prezidenti Vladimir Putin bu patlavnı "terakt" dep adlandırdı, onıñ icracıları ve sımarış etkenler Ukrayina mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına Baş istihbarat idaresiniñ spikeri Andrey Yusov Rusiyeniñ Keriç köpründe patlav tahqiqatını «saçmalıq» dep adlandırdı.
Ukrayına resmiy şahısları izaat bermey. Prezident ofisiniñ yolbaşçısı Mıhaylo Podolâk «Putinniñ şahsiy leyhasını» patlatuv – rusiyelilerniñ işi ve arbiy reberlikniñ FSBge qarşı ücümi ola, dep ayttı.
Bulğaristan ve Gürcistan Keriç köpründe patlatılğan yük olarnıñ sıñırlarından keçti degen Rusiye tahqiqatınıñ malümatını red etti. Ermenistan «Keriç köpründe terakt kerçekleştirüvde aracılıq» aqqında cinaiy dava açtı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
