Ukrayina Mudafaa nazirliginiñ Baş istihbarat idaresi işğal etilgen Saqta Rusiye arbiy tehnikası yoq etildi, dep bildirdi. Bu paylaşuv müessiseniñ Telegram kanalında derc etildi.
Qayd etilgenine köre, «Bober» dronları ZRPK «Pantsir-S1» RLS «Niobiy-SV», yalıdaki RLS «Peçora-3», RLS «Protivnik-GE» ve Saqtakii arbiy uçaq alanında Su-30 Rusiye qırıcısına ücüm etti.
«Ukrayina Mudafaa nazirliginiñ Baş istihbarat idaresi mahsus hadimleriniñ elindeki silâ istilâcı devletniñ pek müim arbiy nişanlarını tamir etilemegen çöplükke çevire», – dep aytıla haberde.
Ücüm ne vaqıt oldı – qayd etilmey. İyünniñ 13-nde yarımadanıñ bir qaç şeerinde, Saqta da patlavlar aqqında haber etilgen edi.
Rusiye akimiyeti tehnika zarar körgenini tasdıqlamadı.
2022 senesinden başlap yarımadağa aman-aman er kün dronlar ve raketalar ücüm ete; ekseriy allarda Rusiyeniñ Mudafaa Nazirligi ya da Rusiye akimiyeti bu malümatnı tasdıqlamaq mümkün olsa da, arbiy nişanlarğa darbe endirilgenini tasdıqlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
