Rusiye Federatsiyasınıñ "Tsesar Kunikov" büyük desant gemisine "Magura V5" pilotsız uçaq yardımınen ücüm etildi, dep bildire Ukrayina Mudafaa nazirliginiñ Baş istihbarat idaresiniñ matbuat hızmeti.
Qayd etilgenine köre, missiya "Group 13" mahsus bölügi tarafından keçirildi. Aynı zamanda müessise, Rusiyeniñ qıdıruv-qurtaruv ameliyatı muvafaqiyetsiz olğanını iddia ete.
Neticede "Tsezar Kunikovnıñ" sol bortu kritik yaralandı ve batıp başladı. Simvolik olaraq, geminiñ adını taşığan Rusiye zabiti tam 101 yıl evelsi öldürildi'', - dep aytıla haberde.
"Tsesar Kunikov" gemisi 87 ekipaj azasını sığdıra, dep aytıla Rusiye Federatsiyasınıñ Qara deñiz flotunıñ saytında. Gemi uzunlığı 112 metr, keñligi 15 metrden ziyade. O, Rusiye Federatsiyasınıñ Gürcistan ve Ukrayinağa, em de Suriyege qarşı arbiy operatsiyalarında iştirak etti.
Ukrayina istihbaratınıñ mahsus operatsiyası neticesinde Rusiyeniñ "Tsezar Kunikov" büyük desant gemisi battı, dep bildire "UP" neşiri Ukrayina Mudafaa nazirliginiñ Baş istihbarat idaresindeki menbağa atıp etip.
Rusiye Mudafaa nazirligine yaqın olğan "Rıbar" telekanalınıñ malümatına köre, rusiyeli BDG kerçekten zarar kördi, amma onıñ zarar derecesi belli degil. "Eki mayor" telekanalı, bütün ekipaj sağ olğanını bildire.
2022 senesi martnıñ 24-nde Ukrayina Silâlı quvetleriniñ Baş ştabı, işğal etilgen Berdânskta "Tsesar Kunikov" Rusiye gemisi battı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
