Berilgen malümatqa köre, 2024 senesi avgustnıñ 8-nden 9-na keçer gecesi Baş istihbarat idaresiniñ mahsus bölügi Aqmeçit yaqınlarında MAGURA V5 darbe deñiz dronu yardımınen «Tunets» katerini yoq etti.
Berilgen malümatqa köre, operatsiya neticesinde daa üç Rusiye gemisi zarar kördi. Çeşitleri ögrenile. Baş istihbarat idaresi rusiyeliler Qırımda «Tunets» katerini patrul ve logistika içün qullandı.
Qırım.Aqiqat mühbiri bildirgenine köre, avgustnıñ 9-nda gece Aqmeçitte patlavlar eşitildi. Yerli sakinler er şey limanda oldı ve 4 gemi battı, dep ayta.
Rusiye akimiyeti bunı izaatlamadı.
Rusiye monitoring kanalları urıp tüşürilgen uçucısızlar ve yoq etilgen deñiz dronı aqqında bildirdi, lâkin bunı tasdıqlaycaq malümat yoq.
Rusiye Mudafaa nazirligi Qırımda beş uçucısız, Qara deñizde daa sekiz dane tüşürildi, dep bildirdi. Qara deñizde yedi insansız kater yoq etilgen eken.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
