Aprelniñ 25-nde "Qırım Wave" forumında çıqışta bulunır eken Ukrayina prezidentiniñ Qırım MC daimiy temsilcisi Tamila Taşeva, Ukrayina işğalden azat etilgen Qırımda birinci nevbette turğan tedbirler planını azırlağanını bildirdi. Bunı Qırım.Aqiqat mühbiri haber etti.
"Bugün biz Qırımnıñ azat etileceginiñ daa yahşı añlaşılğanını köremiz. Bizim içün keri yol yoq. İşğalden azat etilgen Qırımda kerçekleştirilecek birinci nevbette turğan tedbirler planınıñ azırlanması ile bağlı devlet başınıñ buyurığı bar. Devlet organlarından kerekli cevplarnı artıq aldıq", - dedi o.
Taşevanıñ fikrince, esas vaziyefelerden biri Ukrayina Qırımında açıq devlet organlarınıñ faaliyetini ğayrıdan tiklemektir.
Aprelniñ 25-nde Kıyivde siyasiy, iqtisadiy, medeniy ve malümat ekspertleri Rusiye işğali altındaki yarımadanıñ azat etilmesi ve reintegratsiyasında gençlerniñ emiyetini muzakere eteler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
