Rusiyeniñ Qırım mesken-kommunal hocalıq nazirliginiñ yolbaşçısı Nikita Tarasov bildirgenine köre, artıq Qırımda standart meskenni «Herson vilâyetinden yarımadağa acele kelgen rusiyeliler» satın alacaq.
«Aqımdaki sene böyle vatandaşlarğa 20 biñ mesken sertifikatı berildi ve tahminen 10 biñ sertifikat ödendi», – dep bildirdi Tarasov.
Qırımnıñ Rusiye yolbaşçısı Sergey Aksenov bildirgenine köre, Ukrayına ile cenk iştirakçileri Qırımda tahminen 730 topraq damartısını aldı.
2022 senesi dekabr ayında Qırımnıñ Rusiye parlamenti Ukrayınağa qarşı cenkte iştirak etken qırımlılarğa bedava topraq damartılarını bermege izin berdi. Aprelniñ 7-nde belli olğanına köre, Rusiye kontrolindeki Qırım akimiyeti Ukrayınağa qarşı cenk iştirakçilerine topraq damartılarını berüv fermanlarını berip başladı. TASS Rusiye agentliginiñ malümatına köre, başta umumen 56 gektarlıq 511 damartı azırlandı. Episi Saq rayonında yerleşe.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
